Орон нутгийн замд хурд хэтрүүлснээс болон согтуугаар тээврийн хэрэгсэл жолоодсоноос үүдсэн осол аваар буурахгүй байна. Тухайлбал, өнгөрсөн амралтын өдрүүдэд орон нутгийн замд хоёр ч ноцтой осол гарч, хоёр хүн нас барж, хэд хэдэн хүн бэртэж, гэмтжээ.

Тодруулбал, Дархан-Уул аймгийн Дархан сумын 10 дугаар багийн нутагт төв зам дээр иргэн Ц согтууруулах ундаа хэрэглэсэн үед Соната маркийн машинтай явж байгаад шон мөргөсөн байна. Ослын улмаас жолооч Ц нас барж, нэг хүн хүнд бэртсэн байна.

Түүнээс гадна   Төв аймгийн Батсүмбэр сумын 4-р баг, Үдлэг гэх газар Даюун маркийн дугааргүй мотоцикл “Хонда  HR-V” маркийн машинтай мөргөлдсөн байсан. Ослын улмаас мотоциклийн жолооч М амь насаа алдсан харамсалтай хэрэг гарчээ.

Тиймээс согтуугаар тээврийн хэрэгсэл жолоодсон үедээ замын хөдөлгөөнд оролцохгүй байх, мөн орон нутгийн замд хурд хэтрүүлж явахгүй байхыг Замын цагдаагийн газраас анхааруулж байна.