NBA-ын талбайд эхний шатны цувралын гурван тоглолт боллоо. Өрнөд бүсийг тэргүүлсэн Юта Жазз талбайдаа Мемфис Гриззлис багтай цувралын хоёр дахь тоглолтыг хийж 129-141 харьцаагаар Жазз хожлоо. Улмаар цувралыг 1-1 болгож тэнцүүлж байгаа бөгөөд цувралын гурав дахь тоглолт Гриззлисийн талбайд энэ сарын 30-ны өглөө болно.

Тус тоглолтод гэмтлээс Донован Митчел эргэн ирсэн бөгөөд 25 оноог авч багаа тэргүүлсэн бол Рүди Гобер 21 оноо, 13 самбар, Майк Конли 20 оноо, 15 дамжуулалт,  Бояан Богдонавич 18 оноо, Жордан Клаксон 16 оноог сэлгээнээс авчээ. Эсрэг багаас Жа Морант 47 оноогоор бүх тоглогчдыг тэргүүлжээ. Тэрбээр NBA плэй-оффын түүхэнд эхний 2 тоглолтдоо нийт хамгийн их оноо авсан тоглогчдоос хоёрт бичигдэж эхэлжээ.Түүний өмнө 

• 75 —  Жорж Микан
• 73 — Жа Морант 
• 70 — Лука Дончич
• 69 — Карийм Абдул-Жабар

Харин тус багаас Диллион Брүүкс 23 оноо, Валанчуйнас 18, Кайл Андерсон 11, Жаран Жексон 16 оноог гараа тоглогчид авчээ. Харин сэлгээний тоглогчид 14 оноог авсан бол Жаззын сэлгээ 43 оноог авсан байна.