Ерөнхий сайд Л.Оюун-Эрдэнийн өгсөн үүрэг чиглэлийн дагуу ХДЗХ-ийн сайд Х.Нямбаатараар ахлуулсан баг Дорноговь аймгийн Замын-Үүдэд ажиллаж байна. Ажлын хэсгийнхэн Замын-Үүд дэх ажил хариуцсан дарга нарыг чөлөөлж, өөр хүмүүс томилсон тухайгаа мэдээлэв. 

 

Шинээр томилогдсон албан тушаалтнууд

ХЗДХ-ийн сайд Х.Нямбаатар: Ерөнхий сайд Замын-Үүд боомтод ажилласан. Үүний дараа Засгийн газраас тогтоол гарч, Замын-Үүд, Гашуунсухайт боомтын экспорт, импортын үйл ажиллагааг зохицуулах үүрэг бүхий ажлын хэсгийг томилсон.

 

Монгол Улсын Гадаад хэргийн яам, БНХАУ-ын Гадаад хэргнийн яам, Элчин сайдын яамтай уулзаж, боомтын ачааны эргэлтийг нэмэгдүүлэх талаар уулзалтууд зохион байгуулсан. Хятадын талаас манайхыг эрүүл ахуйн дэглэм барьж, халдвар хамгааллын дэглэмийг барихыг шаардаж байна. Дайны хажуугаар дажин гэдэг шиг өдрийн тогтоосон цөөн тооны машинууд төрийн байгууллага, албан тушаалтны давуу эрхтэй байна гэж иргэд гомдол мэдүүлж байна. Үүний үр дүнд барааны үнэ огцом нэмэгдэж, хэрэглэгчдэд үнийн дарамт бий болжээ.

 

Дээр дурдсан байгуул­ла­гуу­дын алба хаагчдыг, тухайлбал хилийн мэргэжлийн хяналтын 32 албан тушаалтныг өөр орон нутгийн ажилчидтай сэлгэн ажиллуулж, өөр орон нутгаас Замын-Үүд дэх мэргэжлийн хяналтын байгууллагад ажил­луу­лах шийдвэр гарсан. Мөн АТҮТ-ийн Замын-Үүд дэх салбарын нэр бүхий албан тушаалтнуудыг өөр орон нутагт үйл ажиллагаагаа явуулж буй АТҮТ-д сэлгүүлэн ажлуулна. Гаалийн ерөнхий газрын даргын тушаал гарч Замын-Үүд дэх гаалийн алба хаагч нарыг бүхэлд нь өөр орон ну­тагт ажиллаж буй алба хаагч­даар сэлгэн ажиллуулах шийд­вэ­рүү­дийг агентлагийн дарга нар гаргасан.

 

Одоо Замын-Үүд боомтод ЦЕГ, ТЕГ-ын хамтарсан ажлын хэсэг гарч ажиллаж байна. Авлига, албан тушаалын хэргийг шалгаж, холбогдох хүмүүст эрүүгийн хэрэг үүсгэж яллагдагчаар татах процесс явж байна. Одоогоор 6 хүнд хэрэг үүсгэж, яллагдагчаар татахаар болсон. Энэ хүмүүст таслан сэргийлэх арга хэмжээ авч, цагдан хорьж шалгахаар зөвшөөрөл авсан. Цаашлаад ковидын үед Эрээн боомтоос орж ирж байгаа том оврын тээврийн хэрэгслүүдийг оочер дайруулан оруулж ирэхэд албан тушаалын давуу байдлаа урвуулан ашиглаж, шан харамж авсан гэх асуудалд холбогдсон албан тушаалтнуудыг үргэлжлүүлэн шалгана” гэлээ.

 

ХЗДХ-ийн сайд Х.Ням­баатараар ахлуулсан ажлын хэ­сэгт ТЕГ, ЦЕГ зэрэг хууль, хүч­нийбайгууллагууд багтаж бай­гаа юм. Эх сурвалжуудын мэдээлс­нээр тус боомтод ав­ли­га, албан тушаалын хэрэгт хол­богдсон хүмүүст арга хэмжээ авч, баривчилна гэсэн гэх.

 

Тэгвэл Х.Нямбаатараар ах­луул­сан ажлын хэсэг Дорно­говь аймгийн Замын-Үүд су­мын Засаг дарга Б.Анхбаяр, мөн тус суман дах Авто тээв­рийн үн­дэс­ний төвийн дарга А.Хатан­сай­хан тэргүүтэй зур­гаан хү­нийг АТГ, ЭЦА-наас хойш­луулш­гүй­гээр барив­чилсан байна.