Медалийн буухиа үргэлжилсээр
ОХУ-ын Батлан хамгаалах яамнаас Тува Улсын нийслэл Кызыл хотод зохион байгуулж буй “Цэргийн ралли-2021” олон улсын тэмцээнд Монгол Улсын Зэвсэгт хүчний баг тамирчид анх удаагаа оролцож байгаа хэдий ч, олон жил оролцсон туршлагатай баг тамирчидтай ижил түвшинд өрсөлдөж байна. Багийн ахлагчаар ЗХЖШ-ын МТГ-ын даргын орлогч, Техникийн хэлтсийн дарга, хурандаа Ц.Төрмөнх, дасгалжуулагчаар Зэвсэгт хүчний 011 дүгээр ангийн захирагч, хурандаа М.Батдорж нар ажиллаж байгаа юм.
Нэгдүгээр шатны уралдаан энэ сарын 23-ны өдөр нэг бүрийн уралдаанаар эхэллээ. Тус уралдааны
- “Урал 4х4” ангилалд чиглүүлэгч, ахлах дэслэгч Б.Ариунбаатар, жолооч, сургагч ахлагч Х.Ширмэнхоовон нар хүрэл медаль,
- “Камаз 4х4” ангилалд чиглүүлэгч, дэслэгч М.Шийрэвноров, жолооч, ахмад П.Ганхуяг нар 5 дугаар байр эзэлсэн бол
- “Урал 6х6” ангилалд чиглүүлэгч, ахлах дэслэгч Б.Мөнгөнхуяг, жолооч, ахлах ахлагч Б.Алтанхуяг нар,
- “Камаз 6х6” ангилалд чиглүүлэгч, дэслэгч Д.Бямбабаяр жолооч, ахлах ахлагч С.Амартүвшин нар 4 дүгээр байрыг тус тус эзэлсэн амжилт үзүүлэв.
Хоёрдугаар шатны “Хөөх” уралдаан өчигдөр зохион байгуулагдсан бөгөөд
- “Урал 6х6” ангилалд чиглүүлэгч, ахлах дэслэгч Б.Мөнгөнхуяг, жолооч, ахлах ахлагч Б.Алтанхуяг нар алт,
- “Урал 4х4” ангилалд чиглүүлэгч, ахлах дэслэгч Б.Ариунбаатар, жолооч, сургагч ахлагч Х.Ширмэнхоовон нар хүрэл медаль хүртэж,
- “Камаз 6х6” ангилалд чиглүүлэгч, дэслэгч Д.Бямбабаяр, жолооч ахлах ахлагч С.Амартүвшин нар 4,
- “Камаз 4х4” ангилалд чиглүүлэгч, дэслэгч М.Шийрэвноров, жолооч, ахмад П.Ганхуяг нар 5 дугаар байраар тус тус эзэллээ.
Ташрамд дурдахад 2021 оны 8 дугаар сарын 25-ны өдөр буюу өнөөдөр тэмцээний 3 дугаар шатанд багийн буудлага (5.45 мм-ийн АКМС-74) болон пулемётын (7.62 мм-ийн ПКТ) буудлагын тэмцээнтэй бол 8 дугаар сарын 27-ны өдөр тэмцээний 4 дүгээр шат буюу багийн уралдаанд манай баг тамирчид тус тус өрсөлдөнө.
.jpg)
.jpg)
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.
