Эрүүл мэндийн яамнаас коронавирусийн 11:00 цагийн нөхцөл байдлын талаархи мэдээллийг хүргэлээ. ХӨСҮТ-ийн Тандалт, судалгааны албаны дарга А.Амбасэлмаа "11 сарын 24-ны өдөр лабораториудад нийт 3301 хүнд шинжилгээ хийсэн. Сүүлийн 24 цагт Дархан-Уул, Орхон,  Говьсүмбэр аймагт шинэ тохиолдол бүртгэгдээгүй. Улаанбаатар хотод сүүлийн 24 цагт 6 тохиолдол шинээр бүртгэгдэж нийт тохиолдол 60 болсон. 6 тохиолдлын нэг тохиолдол нь ойрын хавьтал давтан шинжилгээнд илэрсэн бол бусад тав нь ойрын хавьтлын тусгаарлалтад байсан хүмүүсээс илэрсэн.  

Дорноговь Аайраг суманд нэг тохиолдол бүртгэгдэж нийт тохиолдол 18 боллоо. 

Сэлэнгэ аймагт 20 тохиолдол бүртгэгдэж нийт тохиолдол 144 боллоо. 

Онош батлагдсан иргэдийн ойрын хавьтал 959 хүн байна. Эндээс 149 хүн 3 удаа давтан шинжилгээнд орсон бол 443 хүн 2 уда, бүгд ойрын хавьтал анхны шинжилгээндээ орсон. Хоёрдогч хавьтал болох  8000 гаран хүн шинжилгээнд орсон. 

Улсын хэмжээнд голомтлон гараад байгаа хэсэгт нийтдээ 262 тохиолдол бүртгэгдсэн. 

Монгол Улсад коронавирусийн батлагдсан нийт тохиолдол 699, эдгэрсэн 342 байна.

Цэргийн төв эмнэлэг болон ХӨСҮТ-д нийт онош батлагдсан 350 хүн эмчлүүлж байгаагаас нь 
маш хүнд 1 хүн амьсгалын аппаратад орсон 
хүнд-3
хүндэвтэр-56
хөнгөн 291 хүн байна" гэв.