Баянгол дүүргийн хүүхдийн эмнэлгийн урд эхчүүд жагсч байна
Баянгол дүүргийн хүүхдийн эмнэлэгт хэвтэн эмчлүүлж байсан найман сартай хүү амиа алдсан харамсалтай хэрэг өнгөрөгч пүрэв гарагт гарсан талаар бид өмнө нь мэдээлсэн. Тодруулбал, Баянгол дүүргийн 17-р хороонд байрлах хүүхдийн эмнэлэгт эмчлүүлж байсан найман сартай эрэгтэй Э гэх хүүхэд сувилагчийн буруутай үйлдлийн улмаас нас барсан байдаг.
Хүүгийн ээжийн хэлснээр тус эмнэлгийн сувилагч залуу хүүд нь тариа хийх үед нялх үрийнх нь уруул хөхрөн реакц өгсөн аж. Гэвч сувилагч тоосон шинжгүй “Зүгээрээ тэгдэг юм” хэмээн хүчтэй антибиотик тариаг дуустал нь шахаж, удалгүй найман сартай хүү нас баржээ. Одоогоор эмнэлгийн талаас ямар нэг тайлбар хийгээгүй байгаа бөгөөд сувилагч залуу ажлаа хэвийн үргэлжлүүлэн хийсээр байгаа гэнэ.
Тэгвэл яг одоо тус хүүхдийн эмнэлгийн урд үрээ алдсан эхтэй хамт гэдгээ илэрхийлэхээр нийслэлийн өнцөг булан бүрээс эхчүүд цугларч, эсэргүүцлийн жагсаал зохион байгуулж байна. Уг жагсаалд УИХ-ын сонгуульд нэр дэвшч буй дуучин Нара оролцоно гэдгээ мэдэгдэж байсан ч, сонгуулийн хуулийн дагуу оролцох боломжгүй болсон сурагтай.
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.
