“Чингис хаан, түүний өв ба Энэтхэгийн соёл” сэдвээр чуулна
Энэтхэгийн Соёлын харилцааны зөвлөл Монгол Улсын Гадаад харилцааны яам болон Монгол Улсын их сургуультай хамтран “Чингис хаан, түүний өв ба Энэтхэгийн соёл” сэдэвт олон улсын эрдэм шинжилгээний бага хурлыг энэ сарын 28-29-ний өдрүүдэд зохион байгуулахаар болжээ.
Мөн үүний өмнө Энэтхэг судлалын төвийн Ерөнхийлөгч О.Нямдаваагийн зохион байгуулж буй үзэсгэлэн Монголын Урчуудын эвлэлийн уран зургийн галерейд ирэх даваа гарагт нээх юм байна.
Эдгээр үйл ажиллагаанд ЭСХЗ-ийн Ерөнхийлөгч, нэрт эрдэмтэн Локеш Чандра тэргүүтэй 20 орчим төлөөлөгчид Энэтхэг улсаас хүрэлцэн ирэх аж. Тэдний дунд эдүгээ Засгийн эрх барьж буй Бхартия Жаната намын Үндэстний Ерөнхий нарийн бичгийн дарга Рам Мадхав, парламентын гишүүд, нэр хүндтэй эрдэмтэд багтаж байгаа юм байна.
Дашрамд сонирхуулахад, эрдэм шинжилгээний хурлын үеэр Локеш Чандра өөрөө редакторлаж, Энэтхэгт хэвлүүлсэн иж бүрэн Ганжуурыг Монголын Буддист хийдүүд, эрдмийн хүрээлэн, байгууллагуудад хандивлах гэнэ.
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.
