Вьетнамын Данан хотноо  Азийн элсний наадам болж байгаа билээ. Тэгвэл манай улсаас энэхүү наадамд найман спортын төрлөөр 37 тамирчин оролцож байгаа юм.  Харин тэмцээний эхний өдрөөс л манай тамирчид медаль хүртэж, гараагаа амжилттай эхлүүллээ.

Тухайлбал, кураш бөхийн эрэгтэйчүүдийн 60 кг-д  хүч үзсэн О.Чинбат мөнгөн медаль хүртэж, тэмцээний салхийг тун сайхан хагаллаа. Манай бөх алтан медалийн төлөө  Ираны  Хоссейн Шейхолесламитай барилдсан ч бараагүй байна. 

Мөн  жиү жицүгийн -94 кг-д Б.Ариунцог, +94 кг-д улсын начин Б.Өнөржаргал нар хүрэл медалийн болзол биелүүлж, манай улс эхний өдөр нэг мөнгө, хошой хүрэлтэй амжилтаар 11 дүгээр байрт явна.