Италийн Сери А лигийн зургадугаар тойргийн хүрээнд “Рома” клуб “Торино”-той тулж, 3:1-ээр хожигдсон билээ. Энэ тоглолтын 55 дахь минутад Франческо Тотти торгуулийн цохилтоос гоолдож, багийнхаа нэр төрийг аварсан.

Ингэснээр “Рома”-гийн домогт довтлогч Тотти Мөнхийн хотын багийн төлөө 299 дэх гоолоо оруулсан юм. Тэрбээр 739 тоглолтод оролцохдоо ийм амжилт үзүүлсэн. Мөн 117 гоолын дамжуулалт өгөөд амжээ.

Түүнээс гадна тэрбээр Сери А лигийн 250 дахь гоолоо өчигдөр оруулсан юм.  Эдүгээ 39 настай Тотти энэ улирлыг дуусгаад зодог тайлахаа мэдэгдээд байгаа билээ.