Хэвлэлийн хуудаснаа Калифорниагийн халуухан муур хэмээн цоллуулдаг дуучин Кэйти Перри ирэх арваннэгдүгээр сарын 8-нд болох АНУ-ын Ерөнхийлөгчийн сонгуульд саналаа өгөхийг уриалсан бичлэгийг цахим хуудастаа нийтэлжээ. 

Тэрбээр өөрийн инстагрмдаа “Кэйти Перри нүцгэн саналаа өгнө” гэсэн гарчиг бүхий бичлэгийг нийтэлж, “Маргааш би дэлхийг өөрчлөхийн төлөөх урхи болгон өөрийн биеэ ашиглана” гэх тайлбартайгаар постолсон байв.

 Бичлэгт дуучин бүсгүй унтлагийн хувцастайгаа Ерөнхийлөгчийн сонгуулийн санал авах байрт очиж, ямар ч байсан саналаа өгөх хэрэгтэйг сануулсан байсан аж. Харин дараа нь унтлагийн хувцсаа тайлж, нүцгэн байсан ч гэсэн саналаа өгөх эрхтэй гэдгийг онцолсон ч, цагдаа нарт баривчлагдаж буй товчхон өгүүлэмжтэй гэнэ. Кэйти  энэ оны долдугаар сард болсон Ардчилсан намын их хуралд оролцон Хиллари Клинтонг дэмжиж буйгаа илэрхийлсний зэрэгцээ “Rise”, “Roar” гэх дуугаа дуулсан байдаг.