Ерөнхийлөгч асан Х.Баттулга Дээд шүүхийн ерөнхий шүүгч Д.Ганзориг, иргэн С.Баярцогт нарыг шалгуулахаар Үндсэн хуулийн цэцэд гомдол гаргалаа. УИХ-ын гишүүн, Сангийн сайд асан С.Баярцогт нарт холбогдох Чингэлтэй дүүргийн эрүүгийн хэргийн анхан шатны шүүхийн 2020 оны долоодугаар сарын 17-ны 507 дугаар шийтгэх тогтоол, Нийслэлийн давж заалдах шатны шүүхийн 2020 оны арванхоёрдугаар сарын 03-ны 14/54 дүгээр магадлал, Улсын дээд шүүхийн Эрүүгийн хэргийн шүүх танхимын 2021 оны тав дугаар сарын 19-ний 238-р тогтоол зэрэг нэг мөр хянан шийдвэрлэгдсэн эрүүгийн хэргийг Эрүүгийн хэрэг хянан шийдвэрлэх тухай хуулийн 40.8 дугаар зүйлийн 4 дэх хэсэгт зааснаар Хяналтын Шатны Шүүхийн тогтоол, шүүхийн эцсийн шийдвэр байх ба уг тогтоолд гомдол гаргахгүй гэж заасныг зөрчиж, эрүүгийн хэргийн нэгдсэн шүүгчдийн хуралдаан гэж хуульд байхгүй “механизм”-ыг ашиглан хэргийг хянан шийдвэрлэсэн асуудлаар шалгуулахаар гомдол гаргажээ.

Ерөнхийлөгч асан Х.Баттулга гурван шатны шүүхээр ял авсан С.Баярцогт АН-ын ҮБХ-ны гишүүдийн толгойг эргүүлж “Би цагаадсан. Дээд шүүхтэй тохирсон, эрх баригчидтай тохиролцсон, бүртгэнэ гэсэн” гэх асуудал яваад байгааг шалгуулах нь зүйтэй гэж үзжээ.