Дархан-Уул аймгийн “Энхтал” зөрлөгийн 97 дугаар км-т төмөр замын гарам дээр ачааны галт тэрэг автомашинтай мөргөлдөж, хүний амь эрсэдсэн харамсалтай хэрэг гарчээ. Тодруулбал, энэ сарын 8-ны өдрийн 13:30 цагийн үед ачааны 3603 дугаар галт тэрэг төмөр замын гарам дээр “Hyundai Porter” автомашинтай мөргөлдсөн байна.

Ослын улмаас Дархан-Уул аймаг Орхон сумын харьяа “Hyundai Porter” автомашины жолооч 29 настай Г нас барж, хамт явсан зорчигч 23 настай залуу гэмтжээ. Уг хэргийг Дархан-Уул аймгийн Цагдаагийн газарт шалгаж байна.