Хошин урлагийн “Х түц” продакшнаас урлагийн гараагаа эхэлж байсан Батаа үзэгчдийн хайр хүндэтгэлийг хүлээсэн жүжигчин болсон. Түүний тоглосон уран бүтээл, дүр бүхэн хүмүүсийн сэтгэлд хүрдэг гэхэд хилсдэхгүй биз.

Тэрбээр “Рашаантын 18”, “Микроны босс”, “Ээж ээ надтай гэрлээч”, “Зүүдэнд ч оромгүй явдал” гэх мэтчилэн олон кинонд туслах болон дүр бүтээсэн. Тэгвэл авьяаслаг жүжигчин “Микроны босс” киноныхоо хоёрдугаар ангийг “Приусны босс” нэртэйгээр хийж буй.

Тус конины хоёрдугаар ангид  “Милл” кино продакшны 2013 оны бүтээл болох “Микроны босс” кинонд хамтран тоглосон “Мөрөөдлийн театр”-ын жүжигчин реппер Gee буюу Мөнх-Эрдэнэ, жүжигчин С.Батзориг нар дахин тоглож байгаа гэнэ.

Залуу жүжигчид шинэхэн киноны зураг авалтын хэсгээ “Баасан гараг... Баянхошуу... Балай авсан нь...” нэртэйгээр олон нийтийн цахим сүлжээгээр цацсан нь олны анхаарлыг ихэд татжээ.