Эдийн засгийн Форбес сэтгүүлээс гаргасан энэ онд хамгийн их ашиг орлого орсон дуучдын жагсаалтыг Тайлор Свифт өнгөлсөн. Түүний энэ оны нийт орлого 44 сая ам.доллар байсан юм. Тэгвэл энэ хэрийн орлоготой дуучин бүсгүй хэд хэдэн тансаг харштай гэнэ.  

Тансаг амьдралаараа шүтэн бишрэгчдээ үргэлж алмайруулж байдаг  дуучин бүсгүйд  Атлантын далайн эрэг дагуух далайн эрэгт орших  тансаг харш бий.  Тайлорын харшийн  нийт талбай нь 6400 орчим м.кв бөгөөд маш том усан сантай аж.

Үүнээс гадна  Рөүд-Айленд мужийн далайн эргийн ойролцоо 307 м.кв талбай бүхий тансаг сууцтай гэнэ.  Далайн эрэгт дуртай бүсгүй энэ байраа  17.75 сая ам.доллараар худалдан авч байжээ. Түүний эзэмшлийн тансаг сууц үүгээр дуусахгүй.

Тэрбээр мөн  “Бөгжний эзэн” цуврал киноны найруулагч Питер Жексоны амьдарч байсан харшийг  20 сая ам.доллараар худалдан авч байжээ.  Тус байшингийнхаа зөвхөн шалны хэсгийг шинэчлэн засварлахын тулд бүсгүй 5.35 сая ам.доллар зарцуулсан байна.

Түүнчлэн, Тайлор энэ зун Нью Йоркт шинэ байр түрээслэх болсон байдаг. Байрныхаа түрээсэнд сар бүр 40 мянган ам.долларыг төлдөг бөгөөд тэрхүү харш нь таван унтлагын өрөө, хоёр зочны өрөө, хувийн нисэх онгоцны грааштай гэнэ.