“Өлсгөлөн тоглоом” цувралаар олонд танигдсан Холливудын хамгийн их ашиг орлоготой эмэгтэй жүжигчдийн жагсаалтыг өнгөлдөг Женнифер Лауренс тэр бүр залуустай учир ургуулаад байдаггүй.  Тэгвэл эдүгээ 26 настай залуу бүсгүй найз залуутай болсон гэнэ.

Гэхдээ өөрөөсөө үе мултарсан хөгшин буюу 47 настай Даррен Аронофскитой дурлалын романс үүсгэж эхэлжээ.  Найруулагч Даррен Аронофскин хувьд 2010 онд дэлгэцнээ гарсан “Хар хун” киног найруулж, үзэгчдээс өндөр үнэлгээ авсан нэгэн.

Улмаар энэ зун тэд хамтран ажилласан бөгөөд хосуудын ойрын эх сурвалж дээрх мэдээллийг баталж буй гэнэ.  Жүжигчин бүсгүй өмнө нь “X men” кинонд хамтран тоглосон Николас Холттай үерхэж байгаад 2014 оны наймдугаар сард салсан. Түүний дараа “Cold play” хамтлагийн Крис Мартинтай  хайрын романс үүсгэсэн ч,  өнгөрсөн долдугаар сард мөн л хоёр тийш болсон юм. 

Харин найруулагч эрийн тухайд өмнө нь жүжигчин Рэйчел Вайстай сүй тавьж байсан төдийгүй тэдний дундаас нэг хүү төрсөн . Гэвч 2010 онд тус тусын зам мөрөө хөөх болсон байдаг.