Парламентад жилийн орлого нь тэрбум давсан төрийн түшээд  хэд хэд байдаг аж. АТГ-аас төрийн өндөр албан тушаалтнуудын ХОМ-ийг хуулийн хугацаандаа гаргаж, олон нийтэд мэдээлсэн бөгөөд УИХ-ын шинэ гишүүдийн ихэнх нь банкны өр, зээлтэй аж

 Тэдний  тэн хагас нь арилжааны банкинд 10 саяас 18 тэрбум орчим төгрөгийн өртэй байсан бол хадгаламж дахь хөрөнгө нь аль хэдийнэ тэрбумыг  давсан баячууд олон байв.

Тэгвэл шинэ  парламент дахь тэрбумтнуудын жагсаалтыг Б.Наранхүү 21 тэрбум төгрөгийн хадгаламжаараа тэргүүлжээ. Харин 17 тэрбум төгрөгийн хадгаламжтай  Л.Болд гишүүн хоёрдугаарт эрэмбэлэгдсэн бол “Оргил”-ын Ж.Ганбаатар гуравдугаарт бичигдлээ.  Тэрбээр хадгаламждаа 13 тэрбум төгрөгтэй гэнэ. Түүний араас “Монполимент”-ын Ц.Гарамжав 12 тэрбум төгрөгийн хадгаламжтайгаар нэхэж явна.

Түүнчлэн, Ж.Энхбаяр 2.32 тэрбум, С.Батболд 1.224 тэрбум, Х.Баделхан 1.004 тэрбум төгрөгийн хадгаламжаараа тус тус удаалжээ.