Испанийн алдарт “Реал Мадрид” клубын хамгаалагч Пепе энэ улирлын төгсгөлд чөлөөт агент болох учиртай. Түүнээс өмнө гэрээгээ сунгахаар хичээж байгаа ч багтайгаа тохиролцоонд хүрч чадахгүй байгаа ажээ.

As-ын мэдээлж байгаагаар Пепе багтайгаа хоёр жилийн гэрээ байгуулахыг хүсч байгаа “Реал” зөвшөөрөхгүй байгаа юм байна. Хэрвээ гэрээгээ сунгаж чадахгүй бол түүнийг “Ювентус” болон “Милан” клубүүд авахаар сонирхож байгаа юм.

Пепе энэ улиралд Ла лигт 6 тоглолтод гарч, нэг гоол оруулж, нэг гоолын дамжуулалт өгчихөөд байгаа билээ.