SG Apes багийн эзэн О.Мөнхжин өөрийн цахим хуудсанд "За нэг зүйл хэлье. Мэдээж би мөнгө тараахад дургүй. Гэхдээ…" гарчигтай нийтлэл оруулсан байна. Тодруулбал:

За нэг зүйл хэлье. Мэдээж би мөнгө тараахад дургүй. Гэхдээ…

Иргэн бүр үнэхээр тэр Эрдэнэс Таван Толгойн хувьцааг нь эзэмшдэг бол, компани ашигтай ажиллаад ногдол ашиг тараах шийдвэр гаргасан бол, дүрэм журам, хуулиараа тэр нэг 60,000 төгрөгийг нь авч л таарна. Тэр нэг хоолны, боовны, чихэрний мөнгө байна уу хамаагүй. Хувьцаа эзэмшигчид хүртэж л таарна!

Тэр 200 тэрбумыг ногдол ашиг тараахгүй гэж КОМПАНИ шийдвэл, КОМПАНИ тэр 200 тэрбумыг яаж захиран зарцуулахыг, хааш нь хөрөнгө оруулалт хийхийг шийднээ.

Засгийн газарт тэр 200 тэрбумаа өгнө гэвэл (тэрүүгээр нь цахилгаан станц барина гэвэл)… нэг талын хувьцаа эзэмшигчдээ (Засгийн газарт) ногдол өгөөд, нөгөө талын хувьцаа эзэмшигчид (иргэдэд) ногдол ашиг өгөхгүй байх боломжгүй ээ.

Ялгаж салгаж ойлго оо!

Бас компани үнэхээр экспортын орлогоос 200 тэрбумын ашиг олсон бол энэ ногдол ашиг тараах нь зүгээр мөнгө хэвлээд тарааж байгаагаас тэс ондоо зүйл ээ! Төвлөрсөн байсан, орж ирсэн мөнгийг хуваарилах нь харин ч мөнгөний урсгал нэмэгдэх, эдийн засагт эерэг нөлөөтэй!