Унгарын  нийслэл Будапешт хотын “Syma Csarnok” спортын ордонд олимпийн бус жингүүдийн ДАШТ эхэлж, өнгөрсөн бямба гарагт  эхний өдөр эрэгтэй чөлөөт бөхийн 61, эмэгтэй чөлөөт бөхийн 55 кг-ын жингүүдийн барилдаан боллоо. Тэгвэл манай улсаас зодоглосон Д.Отгонцэцэг амжилттай оролцож, хүрэл медаль хүртлээ.  Эмэгтэй чөлөөт бөхийн 55 кг-ын жинд өрсөлдсөн ОУХМ  Д.Отгонцэцэг нэгдүгээр тойрогтоо хийлж,  хоёрдугаар тойрогт Азербайжаны бөх Алёна Колесникийг 10:5-аар буулгаж авсан бол гуравдугаар тойрогт ДАШТ-ний мөнгөн медальт, европийн аварга, оросын Ирина Ологоновад 0:5-аар ялагджээ.

Улмаар  дагах барилдаанд ХБНГУ-ын бөх Жаклина Шашкия Шеллинийг 10:0-ээр буулгаж авсан бол медалийн төлөө Беларуссын Катарина Гончарь Янушкевичтай барилдаж,  10:0-ээр  илүүрхэн хожжээ. Ингэснээр хүрэл меадлийн эзэн болсон юм.  Ийнхүү Д.Отгонцэцэг 2011 онд ДАШТ-нээс мөнгөн медаль авч байсан амжилтаа улам баяжуулж,  чөлөөт бөхийн спортоор ДАШТ-нээс хос медаль хүртсэн 9 дэх, эмэгтэй бөхчүүдийнхээ хувьд хоёр дахь тамирчин болжээ.

Дархан-Уул аймгийнхаа унаган охины хувьд аймгийн 50 жилийн ойд зориулсан хүрэл медаль нь манай эмэгтэй чөлөөт бөхийн тамирчдын ДАШТ-нээс авсан 10 дахь хүрэл медаль болжээ. Тэгвэл 61 кг- ын жинд олон улсын хэмжээний мастер Т.Түвшинтулга нэгдүгээр тойрогт залуучуудын дэлхийн аварга, Дагестан гаралтай Азербайжаны бөх Ахмеднаби Гварзатиловт 2:12-аар цэвэр ялагджээ.  Азербайжаны бөх нь хагас шигшээ барилдаанд гүржийн бөх Бека Ломтазед 11:12 онооны харьцаагаар ялагдсан учир манай бөхөд дагах барилдаан хийх боломж гарсангүй.