Испанийн алдарт “Барселона” клуб Ла лигийн 15 дугаар тойргийн хүрээнд “Осасуна”-гийн талбайд зочилж, 0:3-аар буулгаж авсан билээ. Тоглолтын 59 дэх минутад Луис Суарез тооны харьцааг нээсэн бол Месси 72, 90 дэх минутад хоёрыг оруулсан.

Тэрбээр энэ удаад талбайд гарснаар “Барселона”-гийн төлөө 550 дахь тоглолтдоо оролцсон юм. Ингэснээр тэрбээр Мигель Бернардо Бьянкеттигийн 549 тоглолтод оролцсон амжилтыг давж гарлаа.

Одоо түүний дээр хамгийн олон тоглолтод оролцсон гурван тоглогч л бичигдэж байна. “Барса”-гийн домогт хагас хамгаалагч Шави 767 тоглолтод оролцсон бол Андрес Иньеста 605, Карлес Пуйол 593 тоглолтод оролцжээ.