Өнгөрсөн баасан гарагт хүн мөргөж, хэргийн газрыг орхин зугтсан хэрэг гарсан байна. Тодруулбал, Чингэлтэй дүүргийн Галданбошигтын гудамж Цагаан байрны зүүн замд Yamaha  маркийн  мотоциклийн жолооч  П нь албан үүргээ гүйцэтгэж байсан зохицуулагч 30 настай эрэгтэй Э-г мөргөж гэмтээн хэргийн газрыг орхин явсан аж.

Мөн  бага насны хүүхэд гэмтээсэн хэрэг бүртгэгдсэн байна. Тухайлбал, Сонгинохайрхан дүүргийн нутаг Зүүн салааны зам, Номин хайрхан хүнсний дэлгүүрийн зүүн замд H.Accent  маркийн  авто машины жолооч Н нь явган зорчигч зургаан настай эмэгтэй А, дөрвөн настай эрэгтэй Х нарыг мөргөж гэмтээсэн хэрэг гарчээ.

Иймд Улаанбаатар хотын Замын цагдаагийн газраас бага насны хүүхдээ хараа хяналтгүй орхихгүй байхыг анхаарууллаа.