Манай улсад аялахаар ирсэн Швейцарь улсын иргэн алга болсон байна. Тодруулбал, Завхан аймгийн Идэр сумын нутгаар урсдаг Идэр голоос өнгөрсөн тавдугаар сард аяллаа эхлүүлсэн Швейцарь улсын иргэн Бруно Дубач хэмээх 69 настай эрэгтэй алга болсон байна.

Тэрбээр, хамгийн сүүлд энэ сарын 10-нд Хөвсгөл аймгийн Төмөрбулаг сумын нутаг дахь Олон голын бэлчирээр урсдаг Сэлэнгэ мөрнөөр аялж байжээ.

Түүнээс хойш харагдахгүй болсон тул иргэд энэ сарын 21-нд Онцгой байдлын газарт мэдэгдсэн байна. Одоогоор тус аймгийн Онцгой байдлын газар эрлийн үйл ажиллагааг зохион байгуулж байгаа аж.