Хятадын “Хэбэй Чайна Форчун” баг Испанийн алдарт “Барселона” клубын довтлогч Лионель Мессиг авахаар санаархаж байгаа ажээ. Азийн клубын удирдлагууд Мессид татварын дараах байдлаар 100 сая еврогийн цалинтай, 5 жилийн гэрээ байгуулахад бэлэн байгаа талаар Sky Sports мэдээлжээ.

Харин “Барселона” Месситэй гэрээгээ сунгахаар бэлтгэж байгаа юм. Шинэ гэрээний дагуу тэрбээр Каталаны багаас жилд 35 сая евро авах аж. Хятадын “Хэбэй Чайна Форчун” 2010 онд байгуулагдсан бөгөөд Мануэль Пеллегрини дасгалжуулж байгаа юм. Энэхүү багт одоогоор Эсекиэль Лавесси, Жервиньо, Стефан Мбиа  болон Гаэль Какута нар тоглож байгаа билээ.