Тээшний цүнхэнд нуугдан хил давахыг завдсан тохиолдол Румынд гарчээ.  Румыны Куртичи хотод ажиллаж байсан хилийн эргүүлийн цагдаа нар Австрийн Венна хотын чиглэлд үйлчилж буй галт тэрэгнээс нэгэн сэжигтэй тээшийг илрүүлсэн байна.

Улмаар цүнхийг шалгахад дотор нь хоёр афган эмэгтэй нуугдсан байжээ.  Тэдгээр бүсгүйчүүд Австри руу хууль бусаар нэвтрэх зорилгоор тээшинд ийнхүү нуугдсан байсан бөгөөд тэдний нэг нь 59 настай, нөгөө нь 25 настай байсан гэнэ.

Цагдаагийн ажилтнууд  тэднээс гадна бас нэг  афганистан эрийг баривчилсан байна.  Тэрбээр тээшийг галт тэргэнд нуусныхаа дараа зугтаж, өөр хэсэгт  нуугдаж байжээ.  Тэдэнд албан ёсны хүчинтэй виз байхгүй учир ийм аргаар Шенгений бүсэд нэвтрэх гэж байсан хэмээн  мэдүүлсэн байна.