Английн алдарт “Манчестер Юнайтед” клубын дасгалжуулагч Жозе Моуриньо багийн хаалгач Давид де Хеагийн гэрээг сунгах асуудлаар удирдлагуудтайгаа хэлэлцэж эхэлсэн талаар The Sun мэдээлжээ. Эх сурвалжийн мэдээлж байгаагаар Португал мэргэжилтэн Де Хеаг “Реал Мадрид” руу алдахгүй байх нөхцлийг бүрдүүлэхээр зорьж байгаа аж.

Тиймээс түүнтэй 2020 он хүртэл гэрээгээ сунгаж, цалинг нь долоо хоногт 20 мянган фунтээр нэмэгдүүлэх гэж байгаа юм байна. Ингэснээр өдгөө 26 настай хаалгач долоо хоногтоо 200 мянган фунтын цалин авах юм.