86 эхнэртэй гэдгээрээ дэлхий дахинаа танигдсан нигер эр 93 насандаа таалал төгсчээ. Тэрээр бодит байдалд 86 эхнэртэй ч, тус улсын лалын шашны шүүх 82-оос нь салгах шийдвэр гаргаж байсан удаатай. Тэгвэл энэ сарын 28-нд Мухаммаду Белло Масаба гэртээ сувилуулж байгаад нас барсан байна. Үхлийн шалтгаан одоогоор тодорхойгүй байгаа юм.

Тэрээр эдүгээ 170 хүүхэдтэй билээ. Талийгаач 86 эхнэртэй байсан бөгөөд энэ тоо нь лалын шашны хууль журамд нийцэхгүй гэх шалтгаанаар шүүхээс 82 эхнэрээс нь салгах шийдвэрийг 2008 онд гаргаж байв. Түүний дараа эхнэр болон хүүхдүүд нь эсэргүүцлийн жагсаал хүртэл хийж байсан удаатай гэнэ. Лалын шашны хуульд ихдээ дөрвөн эхнэртэй байхыг л зөвшөөрдөг байна.