60 гаруй насандаа үрийн зулай үнэрлэж, бүл нэмсэн нэрт жүжигчин Мел Гибсон “Suicide Squad-2” киног найруулах гэнэ. Кино 2019 онд Америкийн кино театруудад нээлтээ хийх юм.

Америкийн супер баатруудтай цувралын нэг болох “Suicide Squad” киноны нэгдүгээр анги нь өнгөрсөн онд нээлтээ хийсэн. Киноны онцлог нь дүрүүд баатруудын эсрэг тулалддаг юм. Энэхүү киног ижил нэртэй комик номноос сэдэвлэн бүтээсэн бөгөөд Дэвид Аер киноны зохиолч, найруулагчаар ажиллаж байжээ.

Харин шинэ цувралд нь Мел Гибсон ажиллах бололтой. Гэхдээ эдүгээ киноны найруулагчаар ажиллах хүнийг албан ёсоор зарлаагүй байгаа юм.