Консерватив намын даргын суудалд таван хүн нэр дэвшиж байна
Их Британи Европын холбооноос гарах эсэх асуудлаарх бүх нийтийн санал асуулгад иргэд гарах сонголтын хийсэнтэй холбогдуулан тус улсын Ерөнхий сайд Дэвид Камерон огцрохоо мэдэгдсэн. Улмаар Дэвид Камероны дараагийн залгамжлагч, Консерватив намын даргад нэр дэвшигчдийн тоо тав болж нэмэгджээ.
Гэхдээ хамгийн нэр нөлөө бүхий улстөрчдийн нэг Борис Жонсон нэрээ татсанаар тодорхойгүй нөхцөл байдал үүсээд байна. Одоогийн байдлаар гарах сонголт хийхийг дэмжиж байсан Хууль зүйн сайд Майкл Гоув, Батлан хамгаалахын сайд асан Лиам Фоксоос гадна Дотоод хэргийн сайд Тереза Мэй нарын таван хүн нэр дэвшиж байгаа аж.
Их Британийн Ерөнхий сайд Дэвид Камероны дараагийн залгамжлагчаар Борис Жорсон, Тереза Мэй нарын аль нэг нь сонгогдох магадлал туйлын өндөр байв. Гэхдээ Терезагийн хувьд үлдэхийг дэмжиж байсан учир ялалт Борис Жонсоны талд гарах нь нэгэнт тодорхой байсан. Гэвч иргэдийн шүүмжлэлтэй холбоотойгоор тэрбээр энэ удаа нэрээ татсанаар Хууль зүйн сайд Майкл Гоув дараагийн магадлал өндөртэй хүмүүсийн тоонд багтаж байгаа юм.
Харин нөгөө талаар намынхандаа ихээхэн үнэлэгддэг Дотоод хэргийн сайд Тереза Мэйгийн хувьд ч Ерөнхий сайд болох магадлал өндөр байгаа. Ямартай ч, Их Британийн дараагийн Ерөнхий сайд, Консерватив намын дарга ирэх есдүгээр сар гэхэд тодрох ажээ.
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.
