Хан-Уул дүүргийн 8, 9-р хорооны нутаг дэвсгэрт байрлах Сонсголонгийн гүүрний зорчих хэсгийн зүүн талын /хойш/ чиглэлийн эгнээг хаахаар болжээ. Тодруулбал, Сонсголонгийн гүүрний орох хэсгийн дамжих хавтан болон 2, 4, 6, 7 дугаар алгасал хооронд зорчих хэсгийг хүчитгэж асфальтбетон хучилтын ажил хийнэ. Түүнчлэн тээврийн хэрэгслийн хөдөлгөөнийг баруун талын чиглэлийн эгнээгээр түр зорчих байдлаар зохион байгуулалт хийх аж. Засварын ажил дөрөвдүгээр сарын 25-ны 23:00 цагт эхлэх бөгөөд дөрөвдүгээр сарын 26-ны 07:00 цагт дуусна. Иймд иргэд, жолооч та бүхэн дээрх хугацаанд түр замын хөдөлгөөний зураглалын дагуу хөдөлгөөнд оролцоно уу.
