АНУ-ын Ерөнхийлөгч Доналд Трамп монголчуудыг АНУ-д визгүй зорчуулах зарлигт гарын үсэг зурлаа гэх мэдээлэл “Cnn-channel.com” сайтад нийтлэгдсэн. Улмаар уг мэдээлэл эдүгээ манай интернэт хэрэглэгчдийн дунд дуулиан тарьж байгаа юм. Мэдээлэлд “Ерөнхийлөгч Доналд Трамп монголчууд АНУ-д визгүй зорчих тухай зарлигт гарын үсэг зурлаа.

Визийн журамд ийнхүү өөрчлөлт оруулснаар  монголчууд бизнес болон аялал жуулчлалын зорилгоор хамгийн ихдээ 180 хоног зорчих боломжтой болж байгаа юм. Д.Трампын хэлж буйгаар хоёр улсын хооронд хийх худалдааг өргөжүүлэх зорилгоор  энэ удаагийн арга хэмжээг авч буй аж ..”  гэжээ. Энэ нь АНУ-д аялж, амьдрах сонирхолтой хэнийг ч баярлуулах нь гарцаагүй. Тэгвэл  уг мэдээлэл ташаа гэдгийг эх сурвалж хэллээ.

Энэ талаар Улаанбаатарт байгаа АНУ-ын Элчин сайдын яамны ажилтнаас  тодруулахад, “Энэ мэдээлэл ташаа. Эх сурвалж нь “Cnn-channel.com” гэсэн байна лээ.  Найдвартай эх сурвалж биш” гэсэн тайлбар өглөө. Энэ нь манайхны ярьдагаар шар сайт юм байна.  Манайхаан, битгий горьд оо. Гэхдээ юмыг яаж мэдэх вэ амны бэлгээс ашдын бэлгэ гэж......