Реалити шоуны од Одрина Петридж саяхан нярайлж, анхны хүүхдээ өлгийдөн авчээ. “The Hills” гэх шоу нэвтрүүлгээр танигдсан үзэсгэлэнт бүсгүй 2008 оноос хойш Австралийн жүжигчин Кори Бохамтай салж нийлж явсны эцэст өнгөрсөн оны арваннэгдүгээр сард сүй тавьж буйгаа зарласан байдаг. Улмаар дараа сар нь бүсгүй жирэмсэн болсноо мэдэгдсэн юм.

Тэгвэл бүсгүй саяхан төрж, бяцхан гүнжтэй болжээ.  Хосууд гэр бүлийн шинэхэн гишүүндээ Кира Бохам гэх нэрийг хайрласан байна. Охин 3.7 кг жинтэй төржээ. Одрина өөрийн цахим хуудастаа “Бид түүнийг гартаа тэвэрч буйгаа маш их баяртай байна. Яг үнэндээ түүнийг төрснөөс хойш хараад л баймаар байх юм” гэж бичсэн байсан аж.  Хосууд хүүхэддээ нэр хайрлахдаа гурван хувилбарыг гаргаж эцэст нь Кира гэдэг нэр өгсөн бөгөөд энэ нь Австралийн газрын нэр юм байна.