Английн премьер лигийн 32 дугаар тойргийн сүүлчийн тоглолт өнгөрсөн шөнө боллоо. Энэ тойрогт “Кристал Палас” клуб талбайдаа “Арсенал”-ыг хүлээж авч, 3:0-ээр буулгаж авлаа. Ингэснээр 34 оноотой болж, 16 дугаар байрт бичигдэж байна.

Харин “Арсенал” 54 оноотой хэвээр үлдэж, зургадугаар байрнаасаа ховхорсонгүй. Хэдийгээр “Их буучид” хоёр тойргийн тоглолт дутуу хийсэн ч байр ахихгүй.

Тоглолтын 17 дахь минутад Таунсенд тооны харьцааг нээсэн. Улмаар Кабай  63 дахь минутад нэгийг нэмсэн бол Миливович 68 дахь минутад гүйцээжээ.