“Монголиа Опен-2017” ОУТ-д оролцох гадаадын орнуудаас БНСУ-ын баг тамирчид хамгийн түрүүнд мэдүүлэгээ ирүүлээд байна.

Өмнөд Солонгосоос эрэгтэйчүүдийн 57 кг-ын жинд Хам Чеол-Гьюн, Ян Кьюн-Йоп, 61 кг-д Чой Жэ-Мин, 70 кг-д Хан Дэ-Жил, 74 кг-д Жеон Си-Хван, эмэгтэйчүүдийн 48 кг-д Сон Сэ-Рёон, 58 кг-д Чой Йон-Ву, 60 кг-д Хон Хан-Рэ, Ли Жи-Сёон, 63 кг-д Хё Жёон-Ин гэсэн 19-24 насны залуучууд Улаанбаатарын дэвжээнд зодоглоно.

Эднээс хамгийн туршлагатай бөх нь 2007 оны залуучуудын ДАШТ-ий хүрэл медальт Хон Хан Рэ юм. Гуулин улсын багийн ахлагчаар Ли Сеун Нам, ахлах дасгалжуулагчаар На Сун-Ин, эрэгтэйчүүдийн дасгалжуулагчаар Шин Хьюк-Хо, эмэгтэйчүүдийн дасгалжуулагчаар Юү Бэ-Хи, эмчээр Пак Юү-Кво, хэвлэлийн ажилтнаар Кан Сук-Хун нар ажиллах ажээ.