Олон нийтэд фэйсбүүкийн өхөөрдөм дуучин нэрээр танигдсан Б.Бат-Энэрэл хүүгийн эмчилгээний зардалд зориулан Өвөрмонголчууд хандивын аян өрнүүлсэн бөгөөд гурав хоногийн дотор 20 сая төгрөг  цугларчээ. Тэрбээр МУГЖ, дуучин С.Батсүхийн “Орчлонг хайрлаарай”, “Ухаарал”, “Хаан заяатай орчлон” зэрэг дууг дуулахаас гадна тун ч эвлэгхэн яриагаараа олны хайр хүндэтгэлийг хүлээсэн билээ.

Тэгвэл авьяаслаг бяцхан дуучин хүү маань төрөлхийн харааны бэрхшээлтэй төрсөн байна. Харин мэргэжлийн эмч нар хүүг зургаан нас хүрэхээс нь өмнө мэс заслын аргаар харааг нь сайжруулах боломжтойг хэлсэн гэнэ.

Одоогийн байдлаар хүүд хагалгаанд ороход ганцхан жил үлдээд байгаа бөгөөд хагалгаа нь маш өндөр үнэтэй юм байна.  Тиймээс  сайн санаат хүмүүсийн хандивын ачаар Б.Бат-Энэрэл хүү Энэтхэг улсад нүдний хагалгаанд орох болжээ. Хагалгааны зардалд зориулан гэр бүлийнхний зүгээс хандивын тоглолт энэ сарын 20-ны 19.00 цагт МҮЭСТО-нд зохион байгуулах гэнэ. 

Хэврээ бяцхан дуучинд туслахыг хүсвэл “Хаан” банкны 5005705589 тоот дансанд сэтгэлийн хандив өргөх боломжтой юм байна.