Английн “Ливерпүүл” клуб Мохаммед Салахын төлөө Италийн “Рома”-д 40 сая евро төлөхийг зөвшөөрчээ. Өмнө нь санал тавиад татгалзсан хариу авсан “Улаанууд” Италийн багийн нэхсэн мөнгийг өгч байгаа нь энэ аж.

Харин Салахтай дөрвөн жилийн 4 сая еврогийн цалинтай гэрээ байгуулж байгаа бөгөөд урамшуулал маягаар нэг саяыг нэмэх юм байна. Нэгэнт хоёр баг тохиролцоонд хүрсэн учраас энэ наймааг тун удахгүй албан ёсоор зарлах ажээ.

Салах өнгөрсөн улиралд “Рома”-гийн төлөө бүх тэмцээнд 31 тоглолтод оролцож, 15 гоол оруулж, 13 гоолын дамжуулалт өгсөн юм.