Холливудын нэрт жүжигчин 56 настай Жорж Клунигийн гэргий Амаль Клуни өчигдөр өглөө Лондонд амаржиж, ихэр хүүхэд төрүүлжээ. Хүүхдүүдийн хүйс нь эрэгтэй, эмэгтэй гэнэ.

Хосууд анхны хүүхдээ өлгийдөн авсан нь энэ юм. Мөн шинэхэн төрсөн хүүхдүүдэд нэрийг нь аль хэдийнэ өгсөн бөгөөд Элла, Александр гэж нэрлэсэн байна.

Эх хүүхдийн биеийн байдал сайн байгаа аж.

Энэ талаар Жорж Клунигийн төлөөлөгч олон нийтэд мэдээлжээ. Харин удаан хугацаанд гоонь эрийн амьдралаар амьдарч 50 гарсан хойноо амьдралаа зохиосон жүжигчин эр туйлын баяртай яваа гэнэ.

Хосууд 2014 онд Италийн Венец хотноо нүсэр хурим хийсэн билээ.