ГССҮТ-ийн таван эмч өчигдөр 14:00 цагийн үед Элсэн тасархай орчимд осолд оржээ. Ослын улмаас жолооч болоод хоёр эмч хүн бэртэж, хагалгаанд орсон байна. Одоогоор хүнд бэртсэн хоёр эмчийн биеийн байдал дээрдэж байгаа аж. Харин жолоочийн 4-5 хавирга хугарч, уушгиа сүлбэсэн учир хүнд байгаа талаар эх сурвалж мэдээллээ. Өнөөдөр өдөр жолоочийг хагалгаанд оруулах юм байна.

Тэгвэл баттай эх сурвалжийн мэдээлж байгаагаар эмч нарын сууж явсан машин жуулчны автобустай мөргөлджээ. Жуулчны автобус нь урсгал сөрж ирээд мөргөчихсөн юм байна.  Осолдсон машинаас гадна өөр хэд хэдэн машинтай ГССҮТ-ийн эмч нар явж байсан аж. Гэхдээ тэд яг ямар зорилгоор явж байсан нь тодорхой биш байгаа юм. Зарим мэдээллийн хэрэгслээр М.Энхболдын сонгуулийн сурталчилгаанд явж байсан хэмээн мэдээлж байгаа. Зарим нь эмч нар амралтад явж байсан ч гэж мэдээлж байна.

Одоогоор хэргийг Булган аймгийн цагдаагийн байгууллага шалгаж байгаа ажээ.