Алдарт Хилтон зочид буудлын өв залгамжлагч, авьяаслаг DJ Парис Хилтон АНУ-ын Ерөнхийлөгч Доналд Трампыг өмөөрч байсныхаа төлөө уучлалт хүсчээ.

Тэрбээр өнгөрсөн жилийн арваннэгдүгээр сард “Marie Claire” сэтгүүлд ярилцлага өгөхдөө өнөөгийн Ерөнхийлөгч Доналд Трампыг хайрлаж, хүндэлж, биширч явдаг хэмээн магтаж байсан аж.

Үүний зэрэгцээ Ерөнхийлөгчийн сонгуулийн өмнө цацагдсан Трампын эмэгтэйчүүдийг доромжилсон зүй буй үгсийн талаар “Би эрчүүдтэй ажилладаг. Эрчүүд тиймэрхүү галзуу зүйл ярихыг нэг бус удаа сонсож байсан” хэмээн өмөөрч байсан удаатай.

Тэгвэл Парис саяхан “Us weekly” сэтгүүлд ярилцлага өгөхдөө өнгөрсөн жил сэтгүүлд өгсөн ярилцлагынхаа төлөө эмэгтэйчүүдээс уучлалт гуйжээ. Улмаар цаашид эмэгтэйчүүдийг дэмжиж, туслана гэдгээ мэдэгдсэн байна.