Английн премьер лигийн хоёрдугаар тойргийн сүүлчийн тоглолт өнгөрсөн шөнө боллоо. Энэ тойрогт “Манчестер Сити” клуб талбайдаа “Эвертон”-ыг хүлээж авсан. Энэ тоглолтод хоёр баг 1:1-ээр тэнцэж, оноо хуваалаа.

Тоглолтын 35 дахь минутад Рүүни тооны харьцааг нээсэн. Тэгвэл 44 дэх минутад Кайл Уокер улаан хуудас авч, “Сити” хүнд байдалд орсон юм. Гэсэн ч талбайн эзэд хүчирхэг байгаагаа харуулж, 82 дахь минутад тэнцүүлсэн. Гоолын эзэн нь Стерлинг.

Ийнхүү хоёр тойргийн дараах байдлаар ердөө гурван баг л 100 хувийн амжилттай байж, зургаан оноо аваад байгаа юм. Харин 8 баг хожигдол амсаагүй байна.