Хэдхэн хоногийн дараа хичээлийн шинэ жил эхэлж, хүүхдүүд сургууль, цэцэрлэгтээ явж эхэлнэ.  Энэ жилийн хувьд сургуулийн өмнөх боловсролын хамран сургалтыг улсын хэмжээнд 81.5 хувьд хүргэснээр 252753 хүүхэд хамрагдах тооцоог салбарын яамнаас хийгээд буй. Энэ нь  өмнөх оныхоос 9321 хүүхдээр нэмэгдсэн тооцоо юм. Мөн улсын хэмжээнд төрийн болон төрийн бус өмчийн нийт 1422 цэцэрлэг ажиллах талаар салбар яамнаас мэдээлж байгаа.

 

Тэгвэл улсын хэмжээнд   цэцэрлэгийн насны 113 мянган хүүхэд байдгийн 78 хувь нь цэцэрлэгт хамрагдах боломжтой, үлдсэн 22 хувь нь гэртээ харах хүнгүй үлддэг байна. Тэгвэл Хүүхэд харах үйчилгээний тухай хууль хэрэгжсэнээр эдгээр хүүхдийн 70-80 хувь нь энэ асуудлыг шийдвэрлэх боломжтой  болсон. Өнгөрсөн жил Хүүхэд харах үйлчилгээний хууль хэрэгжиж эхэлснээр тодорхой тооны хүүхдийн асуудлыг шийдэж байсан билээ. 

 

Албаны хүний мэдээлж байгаагаар энэ жил 5275 хүүхэд Хүүхэд харах үйлчилгээнд хамрагдах аж. Энэ зардалд зориулж улсын төсөвт 5.8 тэрбум төгрөг суулгасан байна. Энэ талаар Гэр бүл, хүүхэд залуучуудын хөгжлийн газрын хүүхэд хамгаалал урьдчилан сэргийлэх үйл ажиллагаа хариуцсан мэргэжилтэн Ж.Азжаргалаас тодруулахад “Хүүхэд харах үйчилгээний тухай хууль хэрэгжсэнээр нийт 5496 хүүхэд хамрагдсан. Харин өнгөрсөн хичээлийн жилд хүүхэд харах үйлчилгээнд явуулсан эцэг, эхчүүд үргэлжлүүлэх явуулах уу, СӨБ-ын үйлчилгээнд хамруулах уу гэдээ өөрсдөө шийдэх аж.  Хэрэв дахин хүүхэд харах үйлчилгээнд явуулах бол  бүртгүүлэх ёстой юм байна.