Ц.Гарамжав: Надад сайд болох бодол байхгүй
МАН-ын бүлгийн нэр бүхий гишүүд Ерөнхий сайдыг огцруулах бичгийг УИХ-ын дэд даргад өргөн барьсан билээ. Түүний дараа УИХ-ын гишүүн Ц.Гарамжав байр сууриа илэрхийллээ.
Тэрбээр “Дараалсан хоёр сонгуулийн үр дүнгээс харахад, ард түмэн бидэнд дүнгээ тавьчихлаа. Манай нам амласан амлалтаа биелүүлэхгүй байна гэж иргэд үзлээ. Ард түмэн бол хамгийн том шүүгч. Тиймдээ ч ард түмэн бидэнд дүнгээ тавьсан. Тийм учраас бид бодлогоо шинэчилж, өөрчлөлт хийх ёстой юм байна гэж үзэж, Засгийн газрыг огцруулах бичгийг өргөн барьж байна.
“Монполимет” компанийг Засгийн газраас дэмжихгүй байгаа учраас намайг Ерөнхий сайдыг огцруулах бичигт гарын үсэг зурсан мэтээр мэдээлэл яваад байгаа. Огцруулах бичиг өргөн барьсан гишүүдийн эсрэг янз янзын яриа гаргана. Энд ганц нэг хүний хувийн бизнес огт хамаагүй. Бид нийт ард иргэд, улс орныхоо эрх ашгийг бодох цаг болсон шүү дээ.
Би албан тушаал горилж гарын үсэг зураагүй. Надад албан тушаал хэрэггүй. Шаардлагатай бол ажлаа хийгээд л явна. Намын доторчин шударга, зөв бодолтой гишүүд байгаад би баярлаж байна. Надад сайд болъё гэдэг бодол байхгүй. Тийм бодолгүйгээр л би энэ асуудалд хандаж байгаа” хэмээн ярилаа.
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.
