Өнөөдөр өглөөнөөс эхлэн долоон цагийн турш хуралдсан Тусгай хяналтын дэд хорооны хурал өндөрлөлөө. Өнөөдрийн хурлаар УИХ дахь МАН-ын бүлгийн дарга Д.Хаянхярваа, Ерөнхий сайд Ж.Эрдэнэбат нарын хүсэлтийн дагуу Шадар сайд У.Хүрэлсүхийг Ерөнхий сайд тагнаж чагнасан эсэх асуудлыг хэлэлцсэн юм.

Тэгвэл Тусгай хяналтын дэд хороо дүгнэлтээ гаргаж, УИХ-д хүргүүлэхэд бэлэн болжээ. Дэд хорооны бүрэлдэхүүнд УИХ-ын гишүүн Сү.Батболд, Н.Энхболд, Я.Санжмятав, Г.Занданшатар, Д.Цогтбаатар нарын таван гишүүн байдаг. Харин УИХ-ын гишүүн Н.Номтойбаяр Тусгай хяналтын дэд хорооны хуралдаанд оролцох хүсэлт тавьж хуралдаанд оролцсон юм. Түүний хувьд Шадар сайдыг тагнаж чагнасан асуудалд намайг хамаатай мэтээр У.Хүрэлсүх намын гишүүдэд ярьж явсан учраас өөрөө оролцохоо мэдэгдсан. Тэгвэл Дэд хорооны хурлаар Шадар сайд өөрийгөө тагнасан гэх албаны хүмүүсийн мэдээлэл баталгаажсан хэмээн мэдэгдлээ. Энэ мэдээллийг сэтгүүлчдэд Н.Номтойбаяр өгсөн юм. Хяналтын дэд хорооны хуралдаанд оролцсон

АТГ-ын Мөрдөн шалгах хэлтсийн дарга н.Идэрцогийн хийсэн мэдээлэл баталгаажсан аж. Одоо энэ асуудлыг УИХ-ын чуулганаар хаалттай хэлэлцэж байна. АТГ-аас У.Хүрэлсүх нь өөрийнхөө дүүг явуулж өөрийгөө тагнуулсан хэмээн мэдэгдсэн билээ.