Боловсролын сайдын нэр тодорчээ
Мэргэжлийн Засгийн газраа огцруулсан МАН-ынхан өнөөдрийг хүртэл танхимаа бүрдүүлж чадахгүй тал талд хуралдсаар явна. Сэлх, Бэлх, Их тэнгэр зэрэг хотоос алсхан зусланд сайдын суудлын төлөөх уулзалтууд өдөр өнжихгүй болж буй сурагтай. Албан өрөөнд хуралдахаар сэмхэн бичээд тараачихна, гэр орондоо уулзахаар бичлэг нь задарчихна.
Тэр ч байтугай саунд нүцгэн уулзаж үзсэн, МАНайхан. Ярьсан яриа, бичсэн бичлэгээ алдчихаад байгаа учраас аргагүйн эрхэнд алсхан гарч зуслан хавиар уулзацгаах болжээ. Шинэ Ерөнхий сайд хэн байх, танхимыг нь хэрхэн бүрдүүлэх, давхар дээлтэй байх эсэх гэх мэтээр тэдэнд ярих зүйл бишгүй олон бий.
МАН-ын Удирдах зөвлөл өчигдөр хуралдаж намын Бага хурлаа энэ сарын 25-нд хуралдуулахаар болсон. Тэгвэл шинэ бүрдэх Засгийн газрын зарим сайдуудын нэрс тодорхой болж эхэлжээ. Тухайлбал, УИХ-ын гишүүн Я.Содбаатар Боловсролын сайдаар томилогдох нь тодорхой болсон гэх яриа саарал ордонд хэдийнэ таржээ. Бүр шинэхэн сайдаа угтах бэлтгэл ч Боловсролын яаманд хийгдэж байгаа сураг дуулдлаа.
Я.Содбаатар нь Өвөрхангай нутгийнх. Мэргэжлийн Засгийн газраа огцруулсан 31 гишүүдийн нэг. Түүнчлэн, Гадаад хэргийн сайдаар Г.Занданшатарын нэр яригдаж, нам дотроо ч багагүй дэмжлэг авсан бол Х.Нямбаатар, Ш.Раднаасэд нар Хуульзүйн сайдад өрсөлдөж буй яриа чих дэлслээ.
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.
