Өнөөдөр “Дэлхийн цусны донорын өдөр” тохиож байна. Тус өдрийг манай улс “Цус амьдралын амин холбоо” гэсэн сэдэв дор  тэмдэглэн өнгөрүүлнэ. Энэхүү өдрийн хүрээнд цусны донор, өвчтний хооронд үүсэх амин холбоонд ач холбогдол өгөх, бусдын амь насыг аврахын төлөө цусаа бэлэглэдэг ачтан донорт талархал илэрхийлэх зэрэг олон нийтийг хамарсан олон үйл ажиллагаа зохион байгуулахаар болжээ.

Түүнчлэн “Цусаа бэлэглэж, амьдралыг тэтгэе” уриан дор сайн дураараа  бусдын сайн сайхны төлөө цусаа бэлэглэж байгаа хүмүүсийг дэмжих, олон нийтийн оролцоог нэмэгдүүлэхэд чиглэсэн үйл ажиллагаанууд болох гэнэ.

Уг үйл ажиллагааны нээлт Тусгаар тогтнолын талбайд болох бөгөөд 14:00 цаг хүртэл үргэлжлэх юм байна.