30400 залуу цусаа бэлэглэжээ
Цусны донорын Дэлхийн өдрийг “Цусаа бэлэглэж, амьдралыг тэтгэе” уриан дор өнөөдөр Тусгаар тогтнолын талбайд тэмдэглэлээ. Энэхүү өдрийн хүрээнд цусны донор, өвчтөний хооронд үүсэх амин холбоонд ач холбогдол өгөх, бусдын амь насыг аврахын төлөө цусаа бэлэглэдэг ачтан донорт талархал илэрхийлэх зэрэг олон нийтийг хамарсан олон үйл ажиллагааг зохион байгууллаа.
Мөн энэ өдөр 35 болон түүнээс дээш удаа цусаа бэлэглэсэн доноруудад МУЗН-ийн “Хүндэт донор” цол олгодог уламжлалтай. Энэ жилийн хамгийн залуу “Хүндэт донор” цол тэмдгээр 21 настай Н.Амгаланбаатар тодорсон. Харин “Топ өгөлттэй” донороор Д.Цэнгэлбаяр, С.Даваамаа нар өргөмжлөгдсөн юм.
Дашрамд сонирхуулахад, өнгөрсөн онд манай улсын хэмжээнд 30400 залуу цусаа бэлэглэсэн байна. Үүнээс Улаанбаатар хотод 23372, хөдөө орон нутагт 7028 залуус цусаа хандивлажээ.
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.
