Орхон гол 2, 3-хан жилийн өмнө алт олборлогч компаниудын буруутай үйл ажиллагаанаас болж улаанаар эргэж байсан. Тэгвэл энэ түүх дахиад давтагдлаа. Тэгвэл Орхон голын бохирдлыг   БОАЖЯ, УУЯ, МХЕГ болон Архангай аймгийн холбогдох албаныхан энэ сарын 6-8-ны өдрүүдэд шалгаад иржээ. Мөн Архангай аймгийн Цэнхэр суманд ашигт малтмалын чиглэлээр үйл ажиллагаа явуулж байгаа компаниудын ажилтай ч танилцсан байна.

Орхон гол ийн бохирдсон нь  Цэнхэр сумын нутагт алт олборлодог “Монгол газар”, “БМНС”,”Голден хаммер”, “Батбродерс, “Эм Жэй Эйч”зэрэг алт олборлогч компаниудын буруутай үйл ажиллагаанаас болсон юм байна. Алт олборлогч эдгээр компаниудын ашиглалтын талбайгаас урссан бохир ус Орхон голд цутгадаг  Өлзийт тээл, Харгуйт Шийрт зэрэг жижиг голыг бохирдуулсан ажээ. Тиймээс Орхон гол хэдэн жилийн өмнөхтэй адил шавраар урсч байна.

Тиймээс Орхон голд бохир ус хаяж буй зөрчлөө долоо хоногийн хугацаанд арилгах, голын бохирдлыг бууруулах үүргийг тухайн компанийн удирдлагуудад  өгчээ.  Хэрэв шаардлагыг биелүүлээгүй бол тусгай зөвшөөрлийг нь цуцлах хүртэл арга хэмжээ авах юм байна.

Мөн Орхон голын бохирдлыг тогтоохоор голын уснаас дээж авсан бөгөөд шинжилгээний хариу ирэх даваа гарагт гарах ажээ.