Японы чөлөөт бөхийн спортын амьд домог, цуут бөх Каори Ичо Риогийн олимпийн чөлөөт бөхийн эмэгтэйчүүдийн 58 кг-ын жинд түрүүллээ. Ингэснээр тэрбээр дөрөв дэх удаагийнхаа Олимпийн алтан медалийг хүртлээ. 

Ичо аварга өмнөх гурван түрүүгээ 63 кг-д хүртсэн бол 58 кг-д анх удаа аваргалсан нь энэ. Тэрбээр финалд Валерия Кобловаг 3:2-оор ялж, түрүүлсэн байна.  1984 онд төрсөн эдүгээ 32 настай дэлхийн 10 удаагийн аварг тамирчин бүсгүй 2004, 2008, 2012 оны Олимпод нэг ч ялагдалгүй алтан медаль хүртсэн бол энэ оны олимпод ч суут аварга гэдгээ батлан дахин чөлөөт бөхийн дэвжээг эзэгнэж чадлаа.