Норовлин суманд гал гарч байхад намын ухуулах хурал болж байсан гэнэ үү
УИХ, орон нутгийн ээлжит сонгуулийн сурталчилгаа эхэлж улстөрчид унтах завгүй л өөрийгөө пиардаж явна. Дөрвөн жил шилээ харуулж, ард түмэн гэж юу байдгийг мартсан түшээдийн царайнд инээмсэглэл тодорч наашаа харсан бүхнийг тэвэрч үнсэхээс наагуур аашилж буй.
Мөн төрийн суудлын төлөө улайран тэмцэлдэж буй хэсэг бүлэг нэр нүүрээ баасдан байж улс төрийн эрх мэдлийг авахын тулд увайгүй үйлдэл ч олон гаргаж буй. Сурталчилгаа эхэлсэн 18 хоногт монголын ард түмэн их л олон зүйлийг мэдэх бололтой. Тэгвэл хөдөө орон нутагт намчирхал утгаа алдаж, улаан, цэнхрээрээ хуваагдаж эхэлжээ. Бүр намын сурталчилгаандаа л оролцож байвал сумаараа шатаж үхсэн ч хамаагүй хэмээн аашлах болсон сурагтай.
Бидэнтэй Хэнтий аймгийн Норовлин сумаас нутгийн иргэн өчигдөр холбогдов. Тус сумын хойд хэсгээр өчигдөр хээрийн түймэр гарч хэрэндээ л сандарцгаасан бололтой. Гал хэрвээ хурдтай тархвал сумын төв рүү ч орж ирэх эрсдэл байсан аж. Тиймээс яаралтай тохиолдолд аюулын дохио дуугаргаж нутгийн иргэдэд сэрэмжлүүлэг өгөх учиртай албан тушаалтнуудыг сумын төвөөрөө эрж хайгаад олоогүй гэх.
Гэтэл өнөөх нь тус тойрогт нэр дэвшч буй Л.Оюун-Эрдэнэ гэгчийн сурталчилгааны хуралд орж суучихаад утсаа салгачихжээ. Яасан ийсэн яагаад утсаа салгасан талаар загнахад намын ажил явагдаж байхад тэр муу дуут дохио хэнд хэрэгтэй юм гэх мэтээр загнасан сурагтай. Ухаандаа улаан нь хуралдаад завгүй хооронд цэнхэрүүд шатвал шатаг гэсэн утгатай л үг хэлсэн гэх. Энэ мэтээр улаан, цэнхэрээрээ ялгарсан хэнээрхэл орон нутагт хэрээс хэтэрчээ.
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.
