Охидыг садар самуунд уруу татагч этгээдийн үйлдлийг баримтжуулсан уу
2015 оны арваннэгдүгээр сард Чингис Өнөртүвшин гэх фэйсбүүк хаягтай хэрэглэгч өсвөр насны охид руу “Зургаа авахуулах уу. Хамтарч ажиллая. Би чамайг фото модель болгож өгнө” гэх мэтээр санал тавьж, улмаар зураг авсны дараа нүцгэн зургийг чинь цахим хуудсаар цацна гэх мэтээр дарамталж, ёс бус үйлдэл хийхийг шаарддаг байсан тухай мэдээлэл цацагдсан билээ.
Түүний хохирогч болсон гэх, мөн зураг авах санал авсан олон ч охид бүсгүйчүүд энэ талаарх мэдээллийг ил болгож цагдаагийн байгууллагаас хэрэг үүсгэн шалгаж эхэлсэн. Гэвч төд удалгүй Ч.Өнөртүвшин ийм хэрэгт хамааралгүй хэмээн цагдаагийн байгууллага хэрэг үүсгэхээс татгалзаж байсан билээ.
Ч.Өнөртүвшин гэгчийг шалгуулахаар өгсөн охид гомдлоо татсан учраас ийн хэргийг хэрэгсэхгүй болгосон гэдгийг цагдаагийн байгууллагын албан тушаалтан онцолж байлаа. Тэгвэл эх сурвалжийн өгсөн мэдээллээр Ч.Өнөртүвшин гэгчийн гэмт үйлдлийг цагдаагийн байгууллага баримтжуулж, улмаар хэрэг үүсгэн шалгаж эхэлжээ. Хэргийг Чингэлтэй дүүргийн цагдаагийн хэлтэс шалгаж буй юм байна.
Дашрамд дурьдахад, цагдаагийн байгууллага энэ сард олон нийтийн цахим сүлжээнд садар самуун агууламжтай контент байрлуулан, бусдад тараан сурталчилж буй хэрэглэгч, хаалттай нууц бүлгэм, хуудас мөн бусдыг биеэ үнэлэхэд зуучилсан, биеэ үнэлэхэд татан оролцуулж байж болзошгүй 100 орчим цахим хуудас болон бүлгэмийг олж илрүүлэн, шалгаж эхэлжээ.
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.
