Малын гоц халдварт Шүлхий болон Цэцэг өвчин гарсантай холбогдуулан шалган бүртгэх товчоонд ариутгал, халдваргүйжүүлэлтийн ажлыг зохион байгуулж байгаа билээ.

Тэгвэл Замын цагдаагийн газраас Улаанбаатар хотыг тойрсон бүх хяналтын цэгүүд болон бусад нийслэл рүү чиглэсэн замууд дээр цагдаагийн алба хаагчдыг хүч нэмэгдүүлэн, 24 цагийн хяналт, шалгалт хийж эхэлжээ. 

Мөн гоц халдварын бүс нутгаас нийслэл рүү зорчиж байгаа, дайран өнгөрөх авто машинаар шүлхий өвчин газар аван халдварлах боломжтой байдаг гэнэ.

Иймд нийслэлийг тойрсон товчоодын дэргэдэх ариутгал халдваргүйжүүлэлтийн цэгүүдэд жолооч нар автомашинаа заавал халдваргүйжүүлэхийг санууллаа.